LEWENSLES: MOENIE DIE BOTTEL MET SLAAISOUS SKUD VOORDAT JY SEKER GEMAAK HET DIE DOP IS STEWIG TOE NIE

KEKERERTJIESLAAI

Dis so maklik om hierdie slaai te maak. Sorg net dat jy al die bestanddele het en was die skottelgoed, en jy’s klaar.

GENOEG VIR 4

SOUS • 30 ML KORRELMOSTERD • 60 ML OLYFOLIE • 45 ML WITWYN-ASYN • HAND VOL KOLJANDERBLARE, FYNGEKAP

SLAAI • 45 ML KANOLA-OLIE • 1 UI, BAIE FYN GEKAP • 2 KNOFFELHUISIES, GEKAP • 1 BRANDRISSIE, FYNGEKAP • 2 BLIKKE KEKERERTJIES, GEDREINEER ( chickpeas) • SOUT EN VARSGEMAALDE SWARTPEPER • 2 WIELE FETAKAAS • 50 G GRANAATPITTE • 30 G SLAAIBLARE VAN JOU KEUSE

Meng al die bestanddele vir die sous met ’n draadklitser en hou eenkant. Maak nou die slaai: Verhit kanola-olie tot warm in groot braaipan. Voeg ui, knoffel en brandrissie by. Braai 5 minute of tot dit begin verbruin en verlaag hitte. Dreineer kekerertjies en spoel af onder koue water. Voeg by uiemengsel in pan op plaat en geur goed met sout en peper. Gooi slaaisous oor en meng deur tot ertjies en sous warm is. Verwyder pan van hitte. Gooi kekerertjiemengsel in slaaibak, krummel feta oor en sprinkel granaatpitte oor. Sit voor met slaaiblare.