KOESKOES-ENSALMSLAAI

(bl. 94) Dié een is my gunsteling.

GENOEG VIR 4

• 300 G SALMFILETTE (OF FOREL) • SOUT EN VARSGEMAALDE SWARTPEPER • HAND VOL KOLJANDERBLARE • 80 ML SOJASOUS • 45 ML KANOLA-OLIE • 1 X 1 CM-STUK VARS GEMMER, GESKIL EN FYNGERASPER • 2 KNOFFELHUISIES, FYNGEKAP

SUURLEMOEN-KOESKOES • 100 G (140 ML) VOLKORING-KOESKOES • 250 ML HOENDERAFTREKSEL • 200 G GROEN OLYWE, ONTPIT EN GROFGEKAP • 1 INGEMAAKTE SUURLEMOEN, FYNGEKAP • SAP EN GERASPERDE SKIL VAN 1 SUURLEMOEN • 30 G BABA-SLAAIBLARE

Verhit oond tot 180 °C. Plaas visfilette op ’n kleefvrye bakplaat met velkant na onder. Geur goed met sout en peper. Meng koljander, sojasous, olie, gemmer en knoffel saam. Smeer mengsel oor filette. Bak 15 – 20 minute of tot gaar en goudbruin. Verwyder uit oond en hou eenkant. Plaas koeskoes in ’n glasmengbak. Bring aftreksel tot kookpunt. Gooi oor koeskoes en meng deur. Maak bak toe met kleefplastiek en laat staan sowat 15 minute of tot al die aftreksel geabsorbeer is. Gebruik vurk en roer koeskoeskorrels los van mekaar. Voeg olywe, ingemaakte suurlemoen, en sap en skil van suurlemoen by. Geur goed met sout en peper en meng deur. Skep op opdienbord. Vlok vis in growwe stukke en pak op koeskoes. Sprinkel slaaiblare oor. Sit voor met ekstra vars koljander.