GEBRAAIDE PEER, OKKERNEUTE EN ROQUEFORTKAAS

(bl. 93) Pere en okkerneute is goeie geurpasmaats. Braai die pere saam met die neute vir ’n baie lekker slaai.

GENOEG VIR 4

• 200 G BABA-AARTAPPELS, GEHALVEER • 50 ML KANOLA-OLIE • SOUT EN VARSGEMAALDE SWARTPEPER • 3 PERE MET SKIL, GEHALVEER EN STRONK UITGEHAAL • 1 X 100 G-PAKKIE OKKERNEUTE, GROFGEKAP • 4 TAKKIES VARS SALIE • SAP EN GERASPERDE SKIL VAN 2 SUURLEMOENE • 1 X 40 G-PAKKIE WILDEROKETBLARE • 200 G ROQUEFORT- OF BLOUKAAS

Verhit oond tot 220 °C. Gooi aartappels in kookwater en kook dit 8 minute. Dreineer en gooi in oondbraaibak. Sprinkel kanola-olie oor en plaas terug in oond. Oondbraai 10 – 15 minute of tot goudbruin en bros. Dreineer op kombuispapier en geur goed met sout en peper. Gooi gebruikte olie in oondbraaibak in groot braaipan en verhit. Plaas pere met gesnyde kant na onder in pan en braai 5 – 8 minute of tot pere begin verbruin. Voeg neute en salie by en meng deur. Voeg oondgebraaide aartappels, en sap en skil van suurlemoene by en geur goed met sout en peper. Plaas roket op opdienbord en skep warm slaai bo-op. Krummel kaas oor. Sit voor.