KALANT VAN ’N ANDER GEUR

Volvo se V60 Cross Country is basies ’n stasiewa op steroïede. Die gewilde V60-stasiewa is opgekikker met bykomende veelterreinvermoëns, wat beteken dit kan uitdagende oppervlakke makliker baasraak. Dié Cross Country se rithoogte is 65 mm hoër as die standaard-V60 s’n. Dit kom ook met alwielaandrywing, sodat dit meer aan die pad klou en die bestuurder die motor beter kan beheer. Die V60 Cross Country lyk meer sportief en het ook bykomende skermstroke wat die voertuig ’n tipe veldry-voorkoms gee. Uiteraard is dit ’n luukse voertuig wat ook spog met talle veiligheidskenmerke. Kopers kan tussen turbo-aangedrewe petrol- of dieselenjins kies. Die V60 Cross Country is ’n ideale ryding vir gesinne wat ’n aktiewe leefstyl het en ’n ruim, veeldoelige voertuig soek. Pryse begin by R499 900. – WILMER MÜLLER Volvo is ‘n borg vir SARIE SE 30 DAE

VAN KOS + DEKOR. (Sien bl. 14.)