CALAMARI-STEAK MET ’N KRUMMELBESLAG
Calamari hou dalk nie van ’n sousie nie, maar ’n beslag doen die ding. Hier’s hoe:
GENOEG VIR 4
• 1 KOPPIE KOEKMEEL • KNYPIE SOUT • KNYPIE VARSGEMAALDE SWARTPEPER • 4 CALAMARI-STEAKS • 2 EIERS, GEKLITS • 1 KOPPIE BROODKRUMMELS • 2 EETLEPELS REGTE BOTTER Geur koekmeel met sout en swartpeper. Doop calamari-steaks eers in gegeurde koekmeel, dan in eier en dan in broodkrummels. Braai vinnig in pan met botter, tot ligbruin. (Gebruik heelwat botter, anders brand die beslag vas en val van die calamari af.) Sit die calamari dadelik voor. ALLE VIS WIL STADIG BRAAI, HETSY OP ’N ROOSTER OF IN ’N PAN. CALAMARI HOU VAN HITTE, SOVEEL AS WAT JY KAN GEE.