SUURLEMOENKONDENSMELKTERT

(bl. 66) Sarah Louwrens van die Krugerwildtuin deel ’n resep wat sy graag op warm somerdae maak.

GENOEG VIR 6

• 5 KLEIN KARAMEL-ROLKOEKIES • 1 X 385 ML-KONDENSMELK • 2 X 250 G- GLADDE GEWONE MAASKAAS • 100 – 200 ML SUURLEMOENSAP (HANG AF HOE

SUUR JY DIT WIL HÊ) • 2 X 420 G-BLIKKE PERE • 70 G (90 ML) SUIKER

ESny rolkoekies in skywe en voer ’n tertbak van 26 cm in deursnee daarmee uit (sien foto). Gooi kondensmelk, maaskaas en suurlemoensap saam in ’n mengbak. Klits goed tot dik. Gooi in tertbak op rolkoekies en plaas in yskas vir 3 uur. Dreineer pere en rangskik bo-op. Smelt suiker in ’n kleefvrye pan oor stadige hitte tot karamel vorm. Sprinkel die karamel in patrone op bakpapier en laat hard word. Versier die tert met die karamel.