HEEL OONDGEBAKTE HOENDER

(bl. 70) In hierdie resep maak jy jou aartappels en wortels in dieselfde bak as die hoender gaar – baie gerieflik.

GENOEG VIR 4

• 1 HEEL HOENDER • 1 SUURLEMOEN, GEHALVEER • 2 UIE, IN KWARTE GESNY • 100 ML OLYFOLIE • 4 KNOFFELHUISIES, FYNGEKAP • 60 ML WORCESTERSOUS • SAP VAN 1 SUURLEMOEN • SOUT EN VARSGEMAALDE SWARTPEPER • 6 MEDITERREENSE AARTAPPELS • 8 WORTELS, IN VERSKILLENDE KLEURE

Verhit oond tot 180 °C. Plaas hoender op rugkant op ’n werkvlak en druk 2 halwe suurlemoene in buikholte van hoender. Bind hoender se bene aanmekaar vas met tou. Plaas hoender in oondbak en rangskik uie rondom. Sprinkel olyfolie oor hoender en uie. Smeer knoffel oor en sprinkel worcestersous en suurlemoensap oor. Geur met sout en peper en maak bak toe met foelie. Plaas in oond en oondbak 1 uur. Haal foelie af en bedruip hoender met sous wat gevorm het. Pak aartappels en wortels om hoender in bak en plaas oop terug in oond. Oondbak nog sowat 45 minute tot hoender goudbruin en groente gaar is.