ENGELKOEK

(bl. 88) Die toonbeeld van sagte vroulikheid en romanse. So lig soos ’n veer en soet soos stroop.

1 GROOT KOEK

• 180 ML LEMOENSAP • 7 EIERGELE • 125 ML KANOLA-OLIE • 3 ML SOUT • 5 ML BAKPOEIER • 320 G (560 ML) KOEKMEEL • 9 EIERWITTE • 5 ML KREMETART • 315 G (375 ML) STROOISUIKER • 100 G WITSJOKOLADE • 125 ML ROOM • 6 APPELKOSE, GEHALVEER

Verhit oond tot 160 °C. Meng lemoensap, eiergele, olie, sout, bakpoeier en koekmeel saam tot glad. Plaas eierwitte en kremetart in bak van ’n elektriese menger en klits tot sagte punte vorm. Gooi strooisuiker geleidelik by en hou aan klits tot blink en styf. Skep 1/ van eierwitmengsel by

3 eiergeelmengsel en meng tot lig en los. Vou oorblywende eierwitmengsel versigtig in met slaplemmes. Gooi beslag in ’n ongesmeerde engelkoekpan. Bak 40 – 45 minute of tot die buitekant goudbruin is en ’n toetspen skoon uitkom. Haal uit oond en draai pan onmiddellik onderstebo. Laat afkoel tot koud. Gebruik ’n slaplemmes en druk dit tussen die koek en die buiterand van die pan in. Sny koek versigtig los. Doen dieselfde in die middel van die koek. Keer versigtig uit. Smelt sjokolade en room saam oor lae hitte. Laat koel af tot dik en romerig. Gooi oor koek en pak appelkose bo-op.