SLAAI VAN KOOL EN GEKARAMELLISEERDE NEUTE
(bl. 102) Gebruik mayonnaise om die helfte met jogurt om ’n minder ryk slaaisous te maak.
GENOEG VIR 12
• 50 ML WATER • 100 G SUIKER • 300 G PEKANNEUTE • ½ GROEN KOOL • ½ PERS KOOL • 3 STINGELS SELDERY, GEKAP • 250 ML VETVRYE JOGURT • 250 ML LAEVET-MAYONNAISE • 1 BRANDRISSIE, FYNGEKAP • SOUT EN VARSGEMAALDE SWARTPEPER
Plaas water en suiker in groot kleefvrye pan en bring tot kookpunt oor lae hitte. Roer tot suiker gekaramelliseer het, sowat 5 minute. Voeg neute by en roer vinnig deur tot neute met karamel bedek is. Keer uit op bakplaat wat goed gespuit is met kleefwerende kossproei. Laat afkoel en breek in growwe stukke. Hou eenkant. Sny kool in dun repies op growwe kant van ’n rasper, of gebruik ’n voedselverwerker of skerp mes. Meng twee kleure kool saam. Voeg seldery en gebreekte neute by. Meng res van bestanddele saam om gladde sous te maak. Geur goed met sout en peper. Meng deur koolslaai en sit voor.