BEESSTERTPASTEIE MET SOET MOSTERD
(bl. 103) Maak dit voor die tyd en hou in die vrieskas – bak wanneer benodig.
GENOEG VIR 16
• 1,25 KG BEESSTERT • 2 UIE, FYNGEKAP • 60 ML OLYFOLIE • 3 KNOFFELHUISIES, GEKAP • 1 X 400 G-BLIK TAMATIES • 500 ML ROOIWYN • 45 ML GEROOKTE PAPRIKA • SOUT EN VARSGEMAALDE SWARTPEPER • 2 X 400 G-ROLLE BLAARDEEG • 1 GEKLITSTE EIER
Aand voor jy pastei maak Verhit oond tot 100 °C. Plaas beesstert in oondvaste pot met deksel. Meng res van bestanddele behalwe blaardeeg en eier saam en gooi oor beesstert. Maak pot toe en bak oornag of 8 uur. Maak pasteie só Verhit oond tot 180 °C. Verwyder gaar beesstert uit sous en vlok fyn met vurk. Voeg genoeg potsous by om vleis klam te maak. Verdeel elke vel blaardeeg in 8 vierkante van 12 x 12 cm. Skep bietjie vleisvulsel in middel van elke vierkant en bring hoeke bo bymekaar sodat dit soos ’n wasgoedbondel lyk (sien foto). Pak op kleefvrye bakplaat en verf met eier. Bak 25 – 30 minute of tot goudbruin en bros. Sit koud voor met outydse soet mosterd (resep volg).