Appeltert met tequila-karamel

(bl. 33) Die geur van die tequila laat die karamel buitengewoon lekker smaak.

Genoeg vir 1 tert

280 g (500 ml) koekmeel

155 g (170 ml) botter

105 g (125 ml) strooisuiker

45 ml yswater

VULSEL

125 ml botter

125 ml strooisuiker

1 eier

200 g (250 ml) fyn amandels

65 ml koekmeel

1 kg rooi appels, ontklok

KARAMEL

200 g (250 ml) suiker

80 ml water

60 ml botter

40 ml tequila

100 ml room Verhit oond tot 160 °C. Verwerk meel, botter en suiker in voedselverwerker tot tekstuur van klam seesand. Gooi water geleidelik by terwyl menger loop en meng tot alles in een bal saamkom. Rol deeg tot 3 mm dik uit op meelbestrooide werkvlak. Voer ’ n 22 cm-losboomtertpan van 2 cm diep uit met deeg. Bak blind vir 15 minute (sien wenk).

Vulsel Klits botter en suiker tot lig en romerig. Voeg eier by en klits nog 1 minuut. Voeg amandels en meel by. Meng goed. Skep in kors en versprei eweredig. Sny appels met skerp mes in die helfte en dan in dun skyfies. Pak appelskyfies regop en styf teen mekaar in die rondte tot die hele kors gevul is. Begin aan die buitekant en werk na binne. Bak 30–35 minute of tot goudbruin en gaar.

Karamel Plaas suiker en water in middelslag-pot en verhit oor lae hitte terwyl jy roer. Sodra suiker opgelos het, verhoog hitte en bring tot kookpunt. Laat kook 8–10 minute sonder om te roer tot goue karamel vorm – skud pot net nou en dan rond. Verwyder pot van hitte en voeg botter, tequila en room by. Skud pot versigtig heen en weer tot alles gemeng is. Laat afkoel. Sit tert warm voor met karamel.