koelsoem se koesiesters
Haar stem hoor jy gereeld op RSG wanneer sy en haar kookmaat Flori Schrikker resepte deel uit hul kombuis in Bonteheuwel, naby Kaapstad. Koelsoem Kamalie kook Maleis en sy is wyd bekend vir haar koesiesters. Ons het gaan kuier om die tradisionele resep te
“Ek kook graag omdat dit ’n daad van liefde, is. In my geloof moet jy iemand se maag vol maak om te wys hoe baie jy
vir hulle omgee” Koelsoem Kamalie
Waar kom koesi(e)sters vandaan?
Koesisters – of koesiesters, soos dit soms in die Kaapse Maleier-kookkuns genoem word – is ’n Ou-Kaapse lekkerny. Dis klein spesery-gegeurde gisdeegbolletjies, in diepvet gebraai. Vandag word koesisters gewoonlik in suikerstroop gedoop en dikwels ook in klapper gerol, maar dit was nie altyd die geval nie. In die oudste gepubliseerde Kaapse resepteboek ( CapeCookery van A.G. Hewitt, 1890) is ’n resep vir “kosiesters”, wat reeds modernisering ondergaan het, omdat dit nie met gis nie, maar met kremetart gerys is. Tante Allie Hewitt was bekend vir spaarsamigheid – kenmerkend daarvan word haar koesisters slegs met suurlemoen gegeur en dit bevat ook geen klapper nie. In Hilda’swhereisit (1891) gee Hildagonda Duckitt ’n resep vir suikerlose koesisters, en sy beskryf dit as “Bataafs of Ou Hollands”. Hilda Gerber, wat in 1951 ’n waardevolle boek uitgegee het oor Kaapse Maleier-kookkuns, gee 3 resepte vir koesisters. Twee van die resepte word met ’n speserykissie van geurmiddels soos gemmer, kaneel, nartjieskil, anys en naeltjies gegeur, voor dit in suikerstroop en gedroogde klapper gerol word. ’n Interessante resep in Hilda se boek is dié van Mev. Samsodien vir kardemom-gegeurde aartappel-koesisters, in suikerstroop en klapper gedoop. Mev. Samsodien vertel die resep was haar eie uitvinding om te kompenseer vir ’n tekort aan wit meel in die Tweede Wêreldoorlog en dat aartappel-koesisters altyd Sondae vir ontbyt geëet is.
Koskenner Hetta van Deventer-Terblanche