Franse botterroom
Verdeel in 2 gelyke dele en geur elkeen volgens resepte wat volg.
genoeg vir 900 g 375 g (440 ml) strooisuiker 125 ml water 6 eiergele (135 g) 450 g (490 ml) botter by kamertemperatuur Bring suiker en water tot kookpunt. Maak seker suikerkristalle is opgelos vóór die stroop kook. Kook tot 118 °C op ’n suikertermometer. Gebruik ’n elektriese menger en klits eiergele tot lig. Hou aan klits terwyl warm stroop geleidelik bygegooi word. Klits tot mengsel tot kamertemperatuur afkoel. Klits botter lepelsgewys by en hou aan klits tot romerige mengsel vorm.