Feite en geite oor klapper

’n Kokosneut is eintlik glad nie ’n neut nie, maar eerder die vrug van sekere soorte palmbome. Omdat dit ’n vrug is, kan mense met neut-allergieë dit ook eet.

Sowat 11-12 maande is nodig voor ’n kokosneut volledig ontwikkel het en geoes kan word. As jy net die melkagtige water in die vrug wil gebruik, kan jy dit ná 4-6 maande reeds pluk.

In die kokosneut is ’n eetbare wit voering wat gedroog word om klapper te produseer. Jy kan dit tot 6 maande ná die oes steeds uithaal en eet.

In lande soos Thailand en Maleisië word klein apies geleer om die vrugte in hoë bome te pluk. Hulle kan tot 1 600 vrugte per dag vir die boere oes.

word nie net in kos gebruik nie – die olie van die kokosneut is ’n sleutelbestanddeel in baie

skoonheidsprodukte.

Die hare (sterk vesels) van die bas van die kokosneut word onder meer gebruik om groente en vrugte hidroponies te kweek – dis wanneer daar sonder grond geboer word. Klapperhaar is ’n baie goeie bergplek vir water.

Daar is verskeie variëteite van klapper, met die neut met die bruin hare die bekendste, maar jy kry ook groen neute

sonder hare.

Klapperroom word gemaak deur die eetbare wit vlees in die kokosneut fyn te maal en dan die vloeistof uit te druk. >