Ystervarkiemalvalekkers

Hierdie resep werk altyd en is baie maklik om te maak. Heerlik saam met tee.

genoeg vir 24 30 ml gelatien 125 ml koue water 400 g (500 ml) strooisuiker 125 ml kookwater 10 ml vanieljegeursel 250 ml versiersuiker 100 g donkersjokolade, gesmelt en afgekoel 100 g klapperskaafsels Sprinkel gelatien oor 125 ml koue water. Laat staan 5 minute. Skep in elektriese menger se bak en voeg strooisuiker, 125 ml kookwater en vanielje by. Klits 10 minute tot dik en skuimerig. Skep mengsel in bak van 30 x 20 cm wat met kleefwerende kossproei gespuit is (of gebruik ’n kolwyntjiepan). Laat stol 2 uur in yskas. Sprinkel bietjie versiersuiker op werkvlak en keer gestolde malvalekkerlaag uit. Sif res van versiersuiker oor en sny in blokke so groot soos jy verkies. Doop elke blok in sjokolade – maak seker dis reg rondom bedek. Rol in klapper. Plaas op bakplaat wat uitgevoer is met bakpapier. Laat stol 30 minute in yskas. Sit voor. >