Ontbyt Klapperhawermout

(bl. 28) Romerige lekkerte om die dag te begin. Jy sal sukkel om nee te sê vir nog ’n skeppie.

genoeg vir 4 80 g (250 ml) hawermout 250 ml water 250 ml klappermelk 2 ml sout 1 x 100 g-sakkie pekanneute, baie fyn gekap 45 ml botter 100 ml heuning 45 ml water 4 pere, gehalveer en ontklok 200 g aarbeie, in ringe gesny Plaas hawermout, 250 ml water en klappermelk in ’n middelslag-pot. Meng en voeg sout by. Meng weer. Verhit en bring tot kookpunt. Verlaag hitte en laat stadig prut terwyl jy elke 2 minute roer. Hou aan kook tot hawermout gaar is, 8-10 minute. Verwyder van hitte en roer neute by. Plaas botter, heuning en 45 ml water in middelslagbraaipan en bring tot kookpunt terwyl jy roer. Verlaag hitte en plaas pere met gesnyde kant na onder in stroop. Laat stadig prut tot pere goudbruin is en taai heuningstroop vorm, sowat 10 minute. Maak seker die hitte is nie te hoog nie, want die pere kan brand. Skep gaar hawermout in bakkies en skep gebraaide pere bo-op. Gooi heuningstroop oor en sit voor met gesnyde aarbeie.