Dis mos lekker!
Steak, uieringe en slaai is een van daai resepte wat jy middel-van-die week, oor naweke of by uithang-geleenthede kan geniet. Spar freshline maak dit net nog smaakliker
Pangebraaide steak met uieringe en slaai genoeg vir 4
400 g Spar- sagte botter 50 ml Spar-balsemasyn 6 ansjovisfilette 6 takkies Spar freshline-roosmaryn, grofgekap 4 Spar freshline-knoffelhuisies sout en varsgemaalde swartpeper 80 ml Spar Extra Virgin-olyfolie sap en gerasperde skil van 2 Spar freshline-suurlemoene 4 Spar Tender & Tasty T-bone Steaks
Plaas botter, asyn, ansjovis, roosmaryn en knoffel in voedselverwerker en meng tot glad. Geur met sout en peper en meng weer. Hou bottermengsel in yskas. Meng olyfolie, en sap en skil van suurlemoene. Geur met sout en peper. Gooi oor steaks. Verhit riffelpan tot baie warm. Braai steaks sowat 5 minute per kant vir medium-gaar. Skep met die omdraaislag ’n lepel vol gegeurde bottermengsel op. Haal steaks uit warm pan en laat rus 3 minute. Skep nog bottermengsel op en sit voor met uieringe (resep onder) en slaai.
MAAK UIERINGE SÓ
Plaas 1 x 340 ml-bottel bier en 220 g (390 ml) Spar-bruismeel in ’n mengbak. Meng met draadklitser tot glad. Geur met sout en varsgemaalde swartpeper. Verhit 750 ml Sparsonneblomolie in middelslag-pot oor matige hitte. Doop 5 Spar freshlineuie, in ringe gesny, in bierbeslag, laat oortollige beslag afloop en plaas in warm olie. Braai stadig tot goudbruin en bros, sowat 5 minute. Skep uieringe met gaatjieslepel uit olie en dreineer op kombuispapier. Sit warm voor saam met steak en 300 g Spar freshline Greek Salad Bowl.