Piesangbrood

Die resep bevat neute en dadels vir ekstra tekstuur en smaak.

genoeg vir 2 brode

125 g (135 ml) sagte botter plus ekstra vir smeer 150 g (190 ml) bruin suiker 4 eiers 5 ryp piesangs, fyngedruk, plus 2 ekstra vir bo-op 275 g koekmeel 15 ml bakpoeier 15 ml koeksoda knippie sout 120 ml melk 50 g okkerneute, fyngekap 50 g dadels, fyngekap

Verhit oond tot 180 °C. Smeer twee broodpanne van 20 x 10 cm met sagte botter en hou eenkant. Verroom botter en suiker tot lig met elektriese menger. Voeg eiers een-een by en meng deurentyd met menger tot alles deeglik gemeng is. Meng ryp piesangs saam met botter-suiker-en-eiermengsel. Voeg res van bestanddele by en meng goed. Verdeel beslag tussen broodpanne. Skil en halveer ekstra piesangs in lengte en pak op beslag. Plaas in warm oond en bak 30-40 minute of tot toetspen skoon uitkom. Laat staan ’n paar minute en keer uit. Sit louwarm voor met sagte botter.