Groen ryspilaf

’n Pilaf is ’n gereg van rys wat in ’n gegeurde kragsop gekook is.

genoeg vir 8

30 ml olyfolie 1 ui, fyngekap 2 knoffelhuisies, fyngekap 20 ml vars gemmer, fyngerasper 15 ml swart mosterdsaad 10 ml vinkelsaad 360 g (500 ml) langkorrelrys 1 250 ml hoenderaftreksel sout en varsgemaalde swartpeper 200 g bevrore ertjies 2 x 170 g vars aspersies, in 3 gesny Verhit olyfolie tot warm in groot pot. Voeg ui, knoffel, gemmer, mosterd en vinkelsaad by. Roerbraai 3-5 minute of tot geurig. Voeg rys by en roerbraai nog 3 minute. Voeg aftreksel by. Geur goed met sout en peper. Bring tot kookpunt en kook tot rys byna gaar is, 12-15 minute. Voeg ertjies en aspersies by en meng deur. Kook verder tot groente sag is en al die vloeistof geabsorbeer is. Proe en pas geurmiddels aan. Sit warm voor.