Forel gebak met groenkerriesous
As jy jou kerrie meer vullend wil maak, kan jy klein kopkooltjies halveer en saam met die vis bak.
genoeg vir 4
30 ml olyfolie 1 ui, gekap 2 knoffelhuisies 1 x 80 g-sakkie Thaise groenkerriepasta 1 x 400 ml-blik klappermelk 1 groen of rooi brandrissie, gekap hand vol vars koljander, gekap 2 forel- of salmfilette, sonder vel sout en varsgemaalde swartpeper wit rys vir voorsit Verhit olyfolie in ’n pot en braai ui en knoffel tot goudbruin – so 5 minute. Voeg kerriepasta by en braai 3 minute. Gooi klappermelk by en verlaag temperatuur. Laat sowat 10 minute stadig kook tot geurige sous vorm. Roer brandrissie en koljander by. Plaas vis op bakplaat en gooi sous oor. Plaas in warm oond van 180 °C en bak 20-25 minute of tot goudbruin en gaar. Geur goed met sout en swartpeper net voordat jy dit met rys voorsit.