TANNIE SUZIE SE WENKE

Gebruik jumbo-eiers, altyd by kamertemperatuur. Sif die droë bestanddele soveel keer as wat jou geduld jou toelaat. Werk lig en vinnig wanneer jy die droë bestanddele in die eiermengsel invou en moenie te lank meng nie. Vir ’n sjokoladerol, gebruik 100 g koekmeel en 20 g kakao pleks van die 140 g koekmeel. Voer ’n 40 cm x 25 cm-rolkoekpannetjie uit met bakpapier. Die kante sal vanself regkom, jy hoef jou nie te veel daaroor te bekommer nie.