Eier-mayoplatbrood

(bl. 67) Ek hou van eier-mayonnaise op my broodjies – dalk eenvoudig, maar perfek vir ontbyt!

genoeg vir 6 6 eiers 250 g blokkies laevet-spek 1 brandrissie, fyngekap 150 ml laevet-mayonnaise sout en varsgemaalde swartpeper 1 x basiese platbrooddeeg 170 g vars kort aspersies Verhit oond tot 180 °C. Kook eiers 10 minute om harde eiers te kry. Spoel af onder lopende water en dop af. Droogbraai spek in warm kleefvrye pan tot goudbruin en bros. Rasper eiers op growwe kant van rasper en voeg by gebraaide spek. Meng brandrissie en mayonnaise by. Geur goed met sout en peper. Rol deeg op meelbestrooide werkvlak uit tot sowat 5 mm dik. Plaas op bakplaat wat goed gespuit is met kleefwerende kossproei. Skep eiermengsel op brood en smeer gelyk. Pak aspersies bo-op. Bak 10-12 minute of tot goudbruin en gaar. Sit warm voor.

ONTLEDING PER PORSIE kilojoules 950; koolhidrate 32 g; proteïen 5,8 g; vet 7,2 g