Kersiebrood

(bl. 78) Ek maak die brood met gedroogde suur kersies en okkerneute. ’n Bietjie rogmeel word by die broodmeel ingemeng om die donker kleur te kry.

genoeg vir 2 groot brode 1 kg (1 785 ml) broodmeel 400 g (700 ml) rogmeel 45 ml heuning 10 g sout 1 x 10 g-sakkie kitsgis 1 liter louwarm water 300 g droë suur kersies 200 g okkerneute Plaas al die bestanddele in ’n elektriese menger se bak en knie by hoë spoed tot gladde deeg vorm. Plaas deeg in bak wat gesmeer is met olie en maak toe met kleefplastiek. Laat rys op warm plek tot dubbel die volume, sowat 60 minute. Verdeel deeg in twee balle en druk elke bal in ’n patroonpan met volume van 3 liter wat goed gespuit is met kleefwerende kossproei. Laat rys weer tot dubbel die volume, sowat 20 minute. Terwyl brood rys, verhit oond tot 180 °C. Bak brood 20-25 minute of tot gaar. Keer uit en sit voor met botter en konfyt.