KLEINER ‘PORSIE’, MAAR BETER: KIA PICANTO

Porsiebeheer is nie net belangrik vir gewigsverlies nie, maar ook as jy jou sente moet rek vir ’n nuwe motor, wil afskaal na ’n kleiner ryding of net iets wil bestuur wat minder brandstof verbruik. Die kompakte nuwe Kia Picanto is ’n toonbeeld hiervan. Dit het ’n opwindende voorkoms, terwyl dit met gehalte-afwerking spog en propvol luukse, tegnologies een veiligheid s kenmerke is. Daar is’ n keuse van twee petrolenjins, ’n 1,0-liter en 1,2-liter, terwyl die Picanto ook met ’n handrat of outomatiese ratkas beskikbaar is. Kopers kan ook kies uit drie afwerkingsvlakke, terwyl al die modelle spog met geriefsitems soos lugverkoeling, kragstuur en Bluetooth-konnektiwiteit vir jou slimfoon. Die topmodelle is luuks en die hele modelreeks bied goeie waarde vir geld. Pryse wissel tussen R134 995 en R195 995. –