Veerlig gebak met Defy

As jy ’n mooi oond soek wat boonop bekostigbaar en prakties is, is die nuwe Slimline Full Glass Fan Assisted Oven van Defy presies die regte keuse vir jou kombuis. Die stylvolle glas-vooraansig is maklik om skoon te hou

Mojito-koek

Dié sponskoek gaan ’n treffer wees in jou huis. Jy kan die geur aanpas met die stroop wat jy oorgooi.

genoeg vir 2 6 eiers 260 g (325 ml) strooisuiker 115 g (125 ml) botter, gesmelt 5 ml vanieljegeursel 260 g (460 ml) koekmeel STROOP 80 ml wit rum 200 g (250 ml) ligbruin suiker 2 takkies kruisement plus ekstra vir versiering VERSIERSEL 100 g (110 ml) sagte botter 250 g (480 ml) versiersuiker 250 g roomkaas by kamertemperatuur gerasperde skil van 2 lemmetjies Verhit Defy-oond tot 180 °C. Plaas eiers en suiker in elektriese menger se bak en plaas op pot met kookwater. Klits met draadklitser tot eiermengsel begin louwarm raak – toets met jou vingerpunt. Plaas bak in menger en klits 8-10 minute by hoë spoed tot dik skuimmengsel vorm. Voer intussen twee 18 cmlosboompanne met bakpapier uit en spuit goed met kleefwerende kossproei. Voeg botter, vanielje en meel by eiermengsel en vou versigtig in met slaplemmes. Verdeel mengsel tussen panne en bak 25-30 minute of tot goudbruin en gaar. STROOP Bring die bestanddele vir die stroop tot kookpunt terwyl die koeke bak. Gooi stroop oor warm koeke en laat afkoel.

VERSIERSEL Klop bestanddele vir versiersel saam tot lig en romerig. Plaas een koek op opdienbord en smeer helfte van versiersel bo-op koek. Plaas tweede koek bo-op met pankant na bo. Spuit klein ronde rosette bo-op koek met oorblywende versiersel. Versier koek met ekstra vars kruisement en gerasperde lemmetjieskil.