Boerewors-frikkadel-pasta
Boerewors is vol geur wat help om die pasta ’n lekker smaak te gee.
genoeg vir 6
400 g boerewors, vleis uit derm gedruk 45 ml olyfolie 1 ui, fyngekap 400 g tagliatelle 250 ml suurroom ( crème fraîche) 1 rooi brandrissie, fyngekap sout en varsgemaalde swartpeper 2 avokado’s, geskil en ontpit
Rol boereworsvleis in klein, happiegrootte frikkadelle. Verhit olie tot warm in braaipan en roerbraai ui 3 minute of tot goudbruin. Voeg frikkadelle by en roerbraai 8-10 minute of tot goudbruin en gaar. Terwyl frikkadelle braai, maak pasta gaar
volgens aanwysing op pak en dreineer. Voeg gaar frikkadelle saam met suurroom en brandrissie by. Geur goed met sout en peper en meng deur. Skep uit in opdienbak. Sny avokado’s in skywe en pak bo-op pasta. Sit warm of koud voor met ekstra suurroom. >