Tamatie-enbroodslaai
(bl. 89) Hierdie gereg is geïnspireer deur panzanella-slaai (Italiaanse broodslaai).
genoeg vir 6
45 ml olyfolie 250 g blokkies spek 100 g pekanneute, grofgekap 125 ml room 45 ml balsemasyn 1 rooi-ui, fyngekap 1 rooi brandrissie, fyngekap 500 g kersietamaties, gehalveer sout en varsgemaalde peper 400 g rosmarino-pasta (pastarys) 60 ml botter 1 x Franse baguette-brood, in growwe stukke gebreek Verhit olyfolie tot warm in groot braaipan. Voeg spek by en roerbraai tot goudbruin en bros. Voeg neute by en braai nog 2 minute. Gooi room, asyn, rooi-ui en brandrissie by en bring tot kookpunt. Verwyder van hitte en voeg tamaties by. Geur goed met sout en peper. Maak pasta gaar volgens aanwysing op pak en dreineer. Terwyl pasta kook, verhit botter tot warm in groot braaipan en braai broodstukke tot goudbruin en bros. Voeg brood saam met gaar pasta by roomsous en meng deur. Geur weer en sit voor.