Hoenderkeiserslaai
(bl. 89) Die klassieke gereg van brood en langblaarslaai ( cos). Gee dit lekker lyf met hoender en penne-pasta.
genoeg vir 6
4 (sowat 700 g) hoenderborsies sout en varsgemaalde swartpeper 500 g penne-pasta 6 snye brood 100 g (110 ml) botter 250 ml mayonnaise 80 ml suurroom (crème fraîche) 2 knoffelhuisies, fyngekap sap en gerasperde skil van 1 suurlemoen 4 ansjovisfilette, fyngesny 50 g parmesaan-kaas, fyngerasper 200 g ertjies, gaar gestoom 1 x 180 g-sak langblaarslaai Verhit oond tot 180 °C. Plaas hoenderborsies op oondroosterplaat en geur goed met sout en peper. Oondbraai 20 minute of tot goudbruin en gaar. Terwyl hoender braai, maak res van slaai. Kook pasta volgens aanwysing op pak en dreineer. Sny brood in blokkies van 1 x 1 cm en braai in botter in warm pan tot goudbruin. Hou eenkant. Meng res van bestanddele behalwe ertjies en slaai saam om sous te vorm. Breek hoender in klein stukkies en voeg by gaar pasta saam met sous en ertjies. Meng deur en geur goed. Pak slaaiblare op opdienbord en skep pastamengsel bo-op. Sprinkel gebraaide brood oor en sit voor.