Oondgebakte tamatie-enmaaskaaspasta
Gebruik kersietamaties wat lekker klein en propvol geur is, veral as jy dit oondbraai.
genoeg vir 6
500 g kersietamaties 2 knoffelhuisies, fyngekap 45 ml olyfolie plus ekstra vir oorsprinkel sout en varsgemaalde swartpeper 400 g spaghetti 45 ml botter 6 snye brood, in stukke gebreek 250 g LANCEWOOD Creamed Smooth Cottage Cheese (maaskaas) 1 brandrissie, fyngekap 50 g parmesaan-kaas, gerasper Verhit oond tot 180 °C. Plaas tamaties en knoffel op bakplaat. Sprinkel 45 ml olyfolie oor en geur goed met sout en peper. Oondbraai 10-15 minute of tot tamaties goudbruin is en oopbars. Verwyder uit oond en hou eenkant.
Maak pasta gaar volgens aanwysing op pak en dreineer. Sprinkel ekstra olyfolie oor en meng deur. Laat pasta afkoel terwyl jy die sous maak: Verhit botter in braaipan en braai broodstukke tot goudbruin en bros. Meng maaskaas, brandrissie en helfte van tamaties saam – druk tamaties stukkend terwyl jy dit meng. Voeg by koue pasta, geur met sout en peper en meng deur. Plaas in opdienbak en skep oorblywende tamaties oor. Sprinkel brood en parmesaan oor. Sit voor.