Lietsjiesorbet

(bl. 94) Gebruik geblikte lietsjies.

genoeg vir 1 liter

250 ml water 200 g (250 ml) suiker sap en gerasperde skil van 1 suurlemoen 1 x 400 g-blik lietsjies 500 ml dubbelroom-jogurt Kook water, suiker, en sap en skil van suurlemoen tot al die suiker gesmelt het. Voeg lietsjies met sap en al by en kook nog 5 minute. Verwyder van hitte en voeg jogurt by. Meng deur. Pols mengsel in voedselverwerker tot glad. Laat afkoel tot yskoud en vries in roomysmasjien, of maak só as jy nie ’n masjien het nie: Gooi mengsel in ’n vrieskasbestande bak. Plaas in vrieskas en roer elke 15 minute met draadklitser tot mengsel dik en romerig gevries is. Smeer gelyk bo-op en vries tot heeltemal gestol. Skep balle en sit voor.