Kort lamskenkels met olyf-en-tamatieslaai

Jy kan die gereg seker maar ’n bredie noem. Die slaai sorg vir ekstra tekstuur. genoeg vir 6

45 ml olyfolie 2 uie, grofgekap 2 knoffelhuisies, gekap 30 ml komynsaad 20 ml karwysaad 100 g ingemaakte suurlemoenskil, fyngekap (kyk by bakrak) 6 groot tamaties, grofgekap 1 x 410 g-blik tamatiepuree 500 ml beesaftreksel 24 kort lamskenkels ( lamb shin) sout en varsgemaalde swartpeper 200 g ontpitte groen olywe, gehalveer 400 g kersietamaties, gehalveer hand vol vars koljander, grofgekap Verhit oond tot 120 °C. Verhit olie tot warm in groot oondvaste pot met deksel. Voeg uie, knoffel, komyn, karwy en suurlemoenskil by. Roerbraai 5-8 minute of tot uie begin verbruin. Voeg tamaties, puree en aftreksel by en meng deur. Bring tot kookpunt en plaas lam in die sous. Geur goed met sout en peper. Maak pot toe met deksel en plaas vir 6 uur in oond of tot vleis van been wegtrek. Meng olywe, kersietamaties en koljander. Skep tamatieslaai oor vleis en sit voor. >