Gebraaide María’s met vlavulsel
’n Tradisionele Spaanse resep – dis heerlik! genoeg vir 8-10
VLAVULSEL 400 ml melk 4 eetlepels suiker 1 pakkie vlapoeier
MARÍA’S sonneblomolie 2 pakkies Marie-beskuitjies 100 ml melk (om beskuitjies te doop) 2 eiers 5-6 eetlepels suiker kaneel
Vulsel Verhit 400 ml melk in ’ n kastrol saam met 4 eetlepels suiker. Hou ’ n bietjie melk oor om die vlapoeier aan te maak. Meng die melk met die vlapoeier en sodra die melk begin kook, voeg die poeiermengsel by en roer tot dit verdik. Haal af van hitte en laat afkoel. Roer af en toe, sodat die bokant nie stol en ’ n vel vorm nie. María’s Wanneer die vulsel byna koud is, verhit ’ n braaipan met sonneblomolie oor matige hitte. Plaas Marie-beskuitjies op kombuispapier en skep ’ n lepel vulsel op elkeen. Bedek met nog ’ n beskuitjie en druk liggies plat. Berei twee borde voor: een met 100 ml koue melk en een met die 2 geklitste eiers. Berei ’ n derde bord voor met die 5-6 eetlepels suiker en kaneel na smaak. Doop die gevulde koekies vinnig in die koue melk, en dan in die eiermengsel. Plaas onmiddellik in die pan met olie. Wanneer hulle goudbruin van kleur raak, draai versigtig om en haal uit die pan. Bedek met suiker-en-kaneelmengsel en geniet onmiddellik.