Koring-en-forelslaai

(bl. 72) Dis my gunsteling. genoeg vir 6

600 g forelfilet sonder vel sout en varsgemaalde swartpeper hand vol koljander 80 ml taai sojasous 45 ml olyfolie 1 x 1 cm-stuk vars gemmer, geskil en fyngerasper 2 knoffelhuisies, fyngekap

SUURLEMOENKORING 250 g rou koring 500 ml hoenderaftreksel 200 g groen olywe, ontpit en grofgekap 1 ingemaakte suurlemoen, fyngekap sap en gerasperde skil van 1 suurlemoen 1 x 100 g-sak dun groenbone, vir 30 sekondes in kookwater gedompel 30 g baba-spinasie

SOUS 100 ml olyfolie 30 ml heuning 30 ml rooiwyn-asyn

Verhit oond tot 180 °C. Plaas forelfilette op ’n kleefvrye bakplaat met velkant na onder. Geur baie goed met sout en peper. Meng koljander, sojasous, olie, gemmer en knoffel. Smeer oor filette en bak 15-20 minute of tot filette gaar en goudbruin is. Haal uit oond en hou eenkant. Suurlemoenkoring Plaas koring en aftreksel in pot en bring tot kookpunt. Laat kook 10-15 minute of tot koring opgeswel en gaar is. As daar nog vloeistof in die pot oor is, gooi deur vergiettes. Voeg olywe, ingemaakte suurlemoen, en sap en skil van suurlemoen by. Geur goed met sout en peper. Vlok vis in growwe stukke en voeg by koringmengsel. Voeg bone en spinasie by. Meng en skep in opdienbak. Sous Meng sousbestanddele en skep oor slaai. Sit voor.