Kaasfondue

(bl. 79) Die fondue-pot is terug! Maar vergeet van pruttende olie waarin jy vleis braai soos in die 80’s. Nee, nou maak jy kaassous en sit dit voor met groente en tuisgebakte brood.

genoeg vir 6-8

290 g beleë cheddar-kaas, gerasper

170 g gruyère-kaas, gerasper

45 ml koekmeel

250 ml witwyn

45 ml brandewyn

30 ml korrelmosterd

225 g chorizo, in ringe gesny

broodblokkies vir voorsit

Meng 2 soorte kaas en meel in groot mengbak – maak seker die meel is eweredig versprei deur die kaas. Plaas wyn en brandewyn in middelslag-pot en bring tot kookpunt. Verlaag hitte tot stadige prut. Voeg kaas bietjiesgewys by terwyl jy klits met ’n draadklitser. Dit sal lyk of die mengsel skif, maar namate jy meer kaas bygooi, raak die mengsel weer romerig. Verwyder van hitte en roer korrelmosterd by. Gooi kaasmengsel in fonduepot – stel die pot se vlam op sy laagste. Sit voor met chorizo en broodblokkies.