Aligot
(bl. 82) Ek het dié kaas-enfynaartappel-gereg die eerste keer geproe by Nataniël. Dis ’n tradisioneel Franse dis uit die voormalige MidiPyrénées-streek. Sit dit voor met lam of net so as voorgereg met brood en goeie wyn.
genoeg vir 6
1 kg aartappels geskil
115 g (125 ml) botter
100 ml room
300 g gruyère-kaas, fyngerasper
100 g vars mozzarella-kaas
sout en varsgemaalde swartpeper
Kook aartappels in pot met water tot sag en gaar. Terwyl aartappels kook, bring botter en room tot kookpunt. Dreineer gaar aartappels en plaas in elektriese menger met mengspaan ( K-beater). Voeg room, gruyère en mozzarella by warm aartappels. Klits by hoë spoed tot gladde blink mengsel vorm. Geur met sout en peper. Skep in opdienbakke en sit voor met brood en goeie olyfolie.