Geroosterde broccoli met amandels en hoemoes
Ek maak gereeld slaaisous van gekoopte hoemoes. Dis romerig en vol geur. genoeg vir 6
45 ml olyfolie 30 ml geroosterde masala 10 ml droë brandrissie l x 400 g-sak langstingel-broccoli ( tender stem) 400 g vars aspersies sout en varsgemaalde swartpeper 1 x 180 g-houer hoemoes 100 ml kookwater 100 g gesoute amandels 200 g Turkse appelkose, grofgesny Verhit oond tot 180 °C. Meng olyfolie, masala en brandrissie. Pak broccoli en aspersies in oondbraaipan. Gooi oliemengsel oor en geur goed met sout en peper. Oondbraai 15 minute of tot groente gaar, maar steeds bros is. Meng hoemoes, kookwater, amandels en appelkose. Gooi oor groente en meng deur. Skep in opdienbak en sit voor. >