Boerekerrie-en-rys met bone
(bl. 19) Hierdie styl kerrie het ons baie in my grootwordhuis geëet. Soet kos is kenmerkend van ons Suid-Afrikaners se manier van kook.
genoeg vir 4-6 porsies 45 ml olyfolie 2 uie, grofgekap 2 knoffelhuisies, gekap 15 ml masala
15 ml fyn koljander 30 ml kerriepoeier 5 ml borrie 500 g maer maalvleis 1 x 410 g-blik tamaties 1 x 400 g-blik klappermelk sout en varsgemaalde swartpeper 1 x 410 g-blik borlotti-bone, gedreineer 1 x 410 g-blik cannellini-bone, gedreineer hand vol vars koljander, gekap
Verhit olyfolie tot warm in middelslagpot. Voeg uie en knoffel by en braai 3-5 minute of tot begin verbruin. Voeg speserye by en braai nog 1 minuut. Voeg maalvleis by en braai sowat 5 minute of tot bruin. Voeg tamaties en klappermelk by. Geur goed met sout en swartpeper. Verlaag hitte en laat 35-45 minute stadig prut of tot kerriemengsel dik en romerig word. Voeg bone by en laat nog 5 minute prut. Verwyder van hitte en roer gekapte koljander by. Geur met sout en peper. Sit voor met gestoomde geelrys van jou keuse.