Oondgebraaide heel rump met sampioensous

(bl. 57) Rump-steak (of kruisskyf) is baie bekostigbaar en pienk gerooster smaak dit heerlik, maar jy kan dit langer rooster as jy dit nie pienk wil hê nie. genoeg vir 10 100 ml olyfolie plus ektra vir braai hand vol vars kruie van jou keuse, fyngekap 5 knoffelhuisies, gekap 100 ml rooiwyn 2 kg heel rump met vetlaag sout en varsgemaalde swartpeper

SOUS 45 ml olyfolie 2 knoffelhuisies, gekap 1 ui, fyngekap 400 g gemengde sampioene 50 ml brandewyn 250 ml room

Meng olie, kruie, knoffel en rooiwyn. Marineer vleis oornag in mengsel. Verhit oond tot 180 °C. Verhit braaipan tot baie warm en gooi bietjie olie in pan. Haal vleis uit marinade en plaas met vetkant onder in warm pan. Braai 10 minute of tot vet goudbruin is. Gooi marinade in oondvaste bak en plaas gebraaide rump met vetlaag bo in marinade. Maak vleis toe met foelie en plaas in warm oond. Verlaag temperatuur dadelik tot 120 °C en oondbraai 90 minute. Maak sous terwyl rump oondbraai. Verhit olyfolie in ’n middelslag-pot. Voeg knoffel en ui by. Braai sowat 5 minute liggies of tot dit begin verkleur. Voeg sampioene by en braai nog 5-8 minute of tot goudbruin en gaar. Gooi brandewyn by en laat wegkook. Voeg room by en verlaag hitte. Laat stadig prut tot vloeistof met helfte verminder het, 10-12 minute. Geur goed met sout en swartpeper. Verwyder vleis uit oond en laat rus 10 minute voor jy dit in dun skywe sny. Geur gesnyde vleis weer en sit voor met sampioensous. >