T-been-steak met Caesar-slaai

(bl. 59) As jy hou van goedgaar vleis, maak dit só – solank jy lekker eet! genoeg vir 6

60 ml olyfolie 3 knoffelhuisies, fyngekap 2 rooi brandrissies, fyngekap hand vol Italiaanse pietersielie, gekap 6 T-been-steaks sout en varsgemaalde swartpeper

SLAAI 100 ml mayonnaise 100 ml ongegeurde jogurt sap en gerasperde skil van 1 suurlemoen 2 ansjovisfilette 50 g parmesaan-kaas, gerasper 1 kop langblaarslaai (cos), in stukke gebreek

Meng olyfolie, knoffel, rissies en pietersielie. Verhit riffelpan tot rook letterlik uit pan trek. Smeer lepels vol van oliemengsel oor elke steak. Geur goed met sout en peper. Plaas steaks in warm pan en braai sowat 5 minute per kant vir medium-rou of langer, soos jy verkies. Draai steaks op die rugkant sodat die vetlaag ook braai (gebruik ’n braaitang om dit regop te hou). Haal warm pan van hitte af en laat steak 5 minute in pan rus terwyl jy die slaai maak. Plaas al die slaaibestanddele behalwe die slaaiblare in voedselverwerker en pols by hoë spoed tot gladde sous vorm. Plaas slaaiblare in slaaibak en gooi sous oor. Maak seker blare is goed bedek met sous. Sit gebraaide steaks voor met slaai .

WENK

Meng ekstra brandrissie en olyfolie en sprinkel oor steak net voor jy dit voorsit vir ekstra smaak.