BESSIE KOPKRAPPERS

Het jy geweet?

“Groen” swartbessies is eintlik rooi – nie groen soos die meeste vrugte voor hulle ryp word en hul natuurlike kleur kry nie. Die swart kom later. Rose (en aarbeie) is rooi. En albei behoort aan die familie Rosaceae, ook bekend as die blommende plantfamilie. Baie van die genera is eetbare vrugte, soos appels, pruime en ja, ook swartbessies en frambose. Hoofpyn? Wat van ’n aarbei? Dit bevat natuurlike salisilaat, ook ’n bestanddeel van aspirien. Bessies bevat ook kwersetien, wat antihistamien-eienskappe het. Eet meer bessies en dit kan dalk selfs allergie-verwante simptome verminder. Daardie klein, geel stippeltjies aan die buitekant van aarbeie is nie eintlik saad nie. Dis die plant se vrugbeginsel en word akene (dopvrugte) genoem. Botaniste beskou dit as afsonderlike, klein vruggies. Frambose is nie altyd rooi nie. Ook geel, pers, goud of swart, ja. Die goues is glo die soetste. Anders as ander vrugte, word frambose nie ryp nadat dit gepluk is nie. Pluk hul dus op hul heel beste: plomp en sappig aan die plant. Bloubessies is ’n natuurlike kleurstof. As jy ’n lewendige, pers kleur soek vir jou bakeskapades en die sintetiese produk haat, probeer dit. Bessies is goed vir breingesondheid. Dit verminder o.m. inflammasie en help beskerm breinselle teen vry radikale. En nee vir dié een: Bosbessiesap gaan nie ’n urienwegontsteking help genees nie. Probeer eerder kapsules met groot hoeveelhede van die aktiewe bestanddeel daarin, A-tipe proantosianidien.

Bronne Mariza van Zyl, www.driscolls.com.au, homeguides.sfgate.com, saga.co.uk, health24.com >