Die krag van bessies
Dis die een ding wat feitlik alle diëte toelaat. Laag in kJ’s en propvol van alles wat goed is. Heilsame bessies ...
deur HERMAN LENSING foto’s MICHAEL LE GRANGE teks LYDIA VAN DER MERWE, GESONDHEIDSREDAKTEUR
’n Aarbei is nie regtig een nie. Ook nie framboos
en brame nie. Dis nou bessies. Bloubessies en bosbessies ( cranberries) haal darem die paal. Maar ook tamaties, piesangs, eiervrug, druiwe en lemoene. Botanies gesproke. Om as ’n bessie bestempel te word, moet ’n vrug uit ’n blom met een vrugbeginsel
ontwikkel, vertel die manne in wit jasse. Sê wie? Die teenstrydigheid het ontstaan omdat ons voorouers “bessies” wel ... bessies genoem het derduisende jare voor botaniste met ’n definisie vir die woord vorendag gekom het, volgens die webtuiste livescience.com. ’n Bessie vir San Alleman
is ’n klein, papsagte vruggie wat aan plante groei en soet of suur kan wees. En so sal dit in volksmond bly. Die Engelse het dit deurgaans só in hul taal verewig: strawberry, raspberry, blackberry ...
Oor een ding stry niemand nie: Dis van die gesondste kos op aarde. Lekker, vol voedingstowwe en met ’n indrukwekkende lys gesondheidsvoordele.
Kos vir ons oergrootjies lank voordat hulle vuur uitgevind het (en ’n tjoppie op die kole kon gooi).
Byna alle soorte diëte laat bessies toe. Dit bevat min kilojoules (kJ) en as jy gewig wil afskud, is dit ideaal vir maaltye, versnaperings en nageregte. Mense op laekoolhidraat- en ketogeniese diëte
moet dikwels vrugte vermy, maar kan matige hoeveelhede bessies by hul kos insluit. ’n Halwe koppie swartbessies of frambose bevat byvoorbeeld minder as 4 g verteerbare koolhidrate. Jy kan maar weglê daaraan as jy op ’n paleo-, Mediterreense, vegetariese en vegan-dieet is. Vermy as jy ’n
laeveseldieet moet volg weens sekere spysverteringsprobleme, of allergies daarvoor is. Sommige mense is byvoorbeeld allergies
vir aarbeie.
Daar is iets aan bessies wat jou verlei sonder dat jy dit eens agterkom. Die mooiste vrug met die soetste geur HERMAN