Forelfilet met kruiekors en -room
(bl. 18) ’n Maklike manier om groot indruk te maak. Gebruik vars kruie vir die smaak. genoeg vir 8
8 snye witbrood 100 g (110 ml) botter, gesmelt 100 g gepelde amandels hand vol sagte kruie (tiemie, pietersielie, salie) 2 groot forelfilette sout en varsgemaalde swartpeper
SOUS olyfolie vir braai 1 ui, fyngekap 2 knoffelhuisies, fyngekap 1 x 100 g-pakkie groen kerriepasta 2 x 410 g-blikke klapperroom 1 groen brandrissie, fyngekap hand vol vars koljander, gekap
Verhit oond tot 180 °C. Plaas brood, botter, neute en kruie in voedselverwerker. Pols by hoë spoed tot goed gemeng. Plaas visfilette met velkant na onder op bakplaat en geur goed met sout en peper. Skep kruiemengsel bo-op en bedek hele filet. Druk dit stewig vas. Gebruik ’n ronde koekiedrukker van 2 cm en druk patrone in kruiekors soos op foto. Plaas in oond en bak 15-20 minute of tot kors bruin gebak en vis gaar is. Terwyl vis bak, maak sous: Verhit olyfolie in ’n pot en braai ui en knoffel tot goudbruin – so 5 minute. Voeg kerriepasta by en braai 3 minute. Gooi klapperroom by en verlaag temperatuur. Laat kook 10-15 minute stadig of tot geurige sous vorm en sous met helfte verminder het. Roer brandrissie en koljander by. Geur goed met sout en peper. Haal gaar vis uit oond en plaas op opdienbord. Gooi sous oor en sit voor.