HOEKOM HEUNING JOU LEWE BETER MAAK

DIS ANTIBAKTERIES EN ANTISEPTIES

Heuning kan wonde en brandplekke help genees, want dit bevat baie antibakteriese en antiseptiese komponente, asook sommige “goeie” bakterieë.

Daarom is dit dikwels ’n bestanddeel in salf wat gebruik word om wonde

te behandel.

’N STERKER IMMUUNSTELSEL

Omdat heuning teenliggaampies soos witbloedselle versterk, kan dit ook infeksie en virusse en bakterieë doodmaak wat jou liggaam aanval. Sodoende versterk dit jou

immuniteit.

PROPVOL ANTIOKSIDANTE

Heuning is ryk aan antioksidante, wat beteken dis voordelig vir jou bloedvate en jou hart. Volgens nuwe navorsing kan dit selfs die effek van dikdermontsteking verminder.

GOEIE SPYSVERTERING

Gastro-intestinale en spysverteringsprobleme kan verlig word deur die gebruik van heuning, want dit

bevat kalium, sure en fruktose.

DIT BEVEG LUGWEGINFEKSIE

Mense gee al jare die raad dat jy ’n teelepel heuning eet of in tee of suurlemoensap drink om jou seer keel en hoes te behandel. Nuwe navorsing het bevind dat heuning infeksie in jou boonste lugweë kan verlig omdat dit

anti-inflammatories is.

DIT BEVOGTIG

Heuning het selfs velsorgvoordele! Aangesien dit ryk is aan vitamien E sowel as ander vitamiene en minerale, kom dit dikwels

voor in lipsalf, gesigen lyfroom. Dit bevogtig die

vel en verlig ook aknee danksy anti-inflammatoriese

eienskappe.

TOT SIENS, HOOFPYN

Hoofpyn het verskillende oorsake. As jou kop egter

seer word weens ’n magnesiumtekort, te min

voedingswaarde in jou koolhidrate of te min proteïen in jou dieet, sal heuning kan help

om jou pyn te verlig.

GESONDE TANDE

’n Bietjie heuning, opgelos in jou drinkwater of tee, kan met die hulp van antibakteriese agente in die goue nektar klaarspeel met die bakterieë in jou mond wat jou tande

laat bederf.

ENERGIE, ENERGIE, ENERGIE

Heuning is ’n goeie plaasvervanger vir koolhidrate. Dit gee jou ekstra energie voor jy begin oefen, en as jy ’n klein bietjie in jou drinkwater gooi, sal dit ook jou spiere gesond hou. As jou bloedsuiker ná jou oefensessie effens laag is, sal heuning die probleem oplos. Heuning in jou tee of in warm

melk het ’n kalmerende uitwerking. Daarom laat dit jou nie net lekker slaap nie, maar dit help ook om jou

spanning te verminder.