Portugese melktert
(bl. 97) Pastéis de nata oftewel vlatertjies bly lekker saam met goeie koffie. Vat kortpad en maak die tertjies met gekoopte blaardeeg. genoeg vir 12
KORS 2 x 400 g-rolle blaardeeg, oornag ontdooi in yskas 100 g (125 ml) kaneelsuiker ekstra koekmeel vir uitrol
VULSEL 45 ml koekmeel 6 eiergele 5 ml vanielje-ekstrak 310 ml melk 265 g (330 ml) suiker 1 stuk pypkaneel 160 ml water
Rol een vel deeg oop op werkvlak. Sprinkel kaneelsuiker oor en plaas tweede vel deeg bo-op. Rol stewig op en hou in yskas. Verhit oond tot 200 °C. Vulsel Klits meel, eiergele, vanielje en kwart van melk saam tot glad en hou eenkant. Bring suiker, kaneel en water tot kookpunt in pot. Kook tot dit met die helfte verminder het. Terwyl suikerstroop kook, bring res van melk tot kookpunt in ’n ander pot. Roer warm melk by meelmengsel in. Haal kaneelstok uit suikerstroop en gooi warm stroop in ’n dun straal by meelmengsel terwyl jy roer om vlavulsel te maak. Gebruik ’n skerp mes en sny sirkels van 1 cm breed uit die opgerolde koue blaardeeg. Rol deegsirkels op meelbestrooide werkvlak tot so 3 mm dik uit. Voer 12 holtes van ’n standaardmuffinpan uit met die deegsirkels. Sny ekstra deeg wat oorhang netjies af. Verdeel vlavulsel tussen holtes. Bak vir sowat 25-30 minute of tot bokant donkerbruin en gestol is. Sit voor.
(bl. 100) As jy nes ek nie genoeg kan kry nie van hierdie nostalgiese, anderste melktert wat boonop maklik is om te maak, hier’s die resep weer. genoeg vir 12 skywe
200 g (24) waterbeskuitjies (Cream Crackers) 100 g (125 ml) suiker 125 ml vlapoeier 1 liter melk 80 g botter, in blokkies gesny 5 ml vanieljegeursel 100 g witsjokolade, gesmelt
Voer ’n bak van 20 x 15 cm en sowat 2 cm diep met kleefplastiek uit. Pak eerste laag Cream Crackers in bak – die breeklyne van die beskuitjies moet in dieselfde rigting wys. Plaas nou suiker, vlapoeier, melk, botter en vanieljegeursel in mikrogolfbestande bak en meng. Mikrogolf op hoog vir sowat 10-15 minute – roer elke 2 minute om klonte te voorkom. Sodra mengsel dik en gaar is, verwyder uit mikrogolfoond en giet oor beskuitjies in bak. Gooi versigtig sodat die beskuitjies nie rondskuif nie en smeer gelyk. Pak res van beskuitjies boop vla – maak seker die breeklyne is in dieselfde rigting as dié van die onderste beskuitjies. Laat stol oornag in yskas. Giet gesmelte sjokolade oor en laat stol. Keer uit en sny in blokke so groot soos jy verkies – gebruik breeklyne as riglyn. Sit voor.