GESONDHEID UIT DIE GROND UIT

Afrika het ’n magdom helende kruie en natuurkure wat as kosmetiese sowel as

gesondheidsmiddels gebruik word.

Aloe vera se antibakteriële, strelende uitwerking op die vel is alombekend.

Die Afrika-aartappel is antiinflammatories en word gebruik om blaasontsteking, prostaatprobleme en

longkwale te behandel.

Kankerbossie is ’n kuur vir omtrent elke kwaal onder die son en word onder meer gebruik as ’n immuunversterker in die behandeling van MIV/ vigs, as medisyne vir waterpokkies, kanker, verkoue,

griep, asma, tuberkulose, brongitis, rumatiek, rumatoïede artritis en artrose, lewerprobleme, aambeie, blaas- en baarmoederprobleme en diarree.

Al gehoor van Umckaloabo? Die Duitsers is glo gaande oor dié SA wildemalva-ekstrak ( Pelargonium

sidoides) wat as verkoue- en griepmedisyne gebruik word. Ander handelsname is onder meer Kaloba, Umcka en Zucol.

Boegoe is glo uitstekend vir ’n babelas, maar word algemeen gebruik vir urienweginfeksies en om nierfunksie

te bevorder.

Galambotter ( shea butter) word gemaak van die pitte in die vrug van die galamboom. Dit word gereken as ’n

“supervoedsel” vir die vel en help met die herstel van droogheid, letsels, donker kolle, verkleurings, rekmerke en rimpels, sonder om

die porieë te verstop.

Een van Afrika se majestueuse reuse, die kremetart, sorg ook vir die nuutste gesondheidsgier. Olie en poeier

van die saad is eetbaar en gesog danksy die hoë voedingswaarde. Dis boonop ’n goeie bron van vitamien C,

kalium, koolhidrate en fosfor.

KOM ONS BESING ROOIBOS

Dan is daar rooibos. Waarvoor is dit nié goed nie? PropPropvol antioksidante en kalmerend, rooibosteerooibostee streel die gestel van binne na buite. Sy ma het aan die krag van rooibos geglo, nes aan die Bybel en Vicks, skryf Johan van Wyk in sy rubriek op Netwerk24. Dis die sleutel tot goeie gesondheid, het sy hom verseker. Ook ’n “goeie spysvertering, mooi vel en gelaatskleur soos ’n ryp perske”. Voeg daarby ’n kuur vir moeë en rooi oë, ekseem (ook by jou troeteldier), doekuitslag, sonbrand,

koliek, slegte slaap, en selfs voeding vir potplante. Eintlik verstommend dat die dorre sandveld van Clanwilliam langs die Weskus tot by Nieuwoudtville iets so terapeuties kon oplewer.

– Lydia van der Merwe (Uit SARIE April 2020)