Gemengde graanslaai met geroosterde soetrissieen-harissasous
(bl. 137) Die minder voor die hand liggende koring soos bulgur, spelt, bokwiet en grane soos gort, giers, quinoa en amarant het groot gunstelinge onder “foodies” geword. Die meeste is nou in supermarkte beskikbaar en almal kan aanlyn gekoop word. Ek het ’n bietjie geëksperimenteer, en daar is geen twyfel dat gemengde grane ’n wonderlike alternatief vir gewone rys is nie, dit is lekker in ’n risotto en sorg vir interessante slaaie. Hierdie resep bevat bulgurkoring en quinoa, maar jy kan enige mengsel van jou keuse maak. As jy meer as een soort gebruik, kook of stoom dit net afsonderlik as dit verskillende kooktye het. – Prue genoeg vir 4 75 g bulgurkoring (rou gewig) 75 g quinoa (rou gewig) 2 rooi soetrissies, ontpit en in repe gesny 10 baba-pruimtamaties of kersietamaties, gehalveer 2 knoffelhuisies, fyngekap 2 eetlepels groente-olie sout en varsgemaalde swartpeper 2 eetlepels ekstrasuiwer olyfolie 4 teelepels harissasmeer 1 teelepel granaatmelasse 8 groen olywe, ontpit en gehalveer 60 g fetakaas, gekrummel ’n klein hand vol platblaarpietersielie, fyngekap sap van suurlemoen (2-3 teelepels)
1. Verhit oond tot 200 °C/waaieroond 180 °C/gas 6. 2. Kook bulgurkoring in baie kookwater vir 10-15 minute of tot net sag. Dreineer. 3. Kook quinoa vir 15 minute in ’n pan met gesoute kookwater, of tot korrels begin oopbars. Dreineer. 4. Plaas soetrissie, tamatie, knoffel en groente-olie op ’n bakplaat en geur met sout en swartpeper. Rooster vir sowat 25-30 minute in warm oond tot rissie sag is en net begin skroei. Haal uit oond en laat effens afkoel. 5. Klop olyfolie, harissasmeer en granaatmelasse saam vir die slaaisous. 6. Plaas gaar grane, geroosterde rissie en tamatie, olywe, feta, pietersielie en slaaisous in ’n dienbak. Geur, druk suurlemoensap oor, en meng sodat slaaisous alles bedek. Sit dadelik voor.