Swartboontjiechili con carne met koring-enlemmetjiesalsa

(bl. 137) Perfek vir ’n koue aand. As vegetariër roer ek gewoonlik ’n hand vol gerasperde cheddarkaas en ’n bietjie jogurt of suurroom by my bakkie, maar die mieliesalsa is so lekker, dit maak dit onnodig.

< Ek dink altyd dis ’n goeie teken van ’n veganistiese gereg as ’n nie-veganis nie nog iets wil byvoeg nie. Dit is beslis een van daardie geregte. – Peta genoeg vir 4-6

1 ui 3 knoffelhuisies 1-2 groen brandrissies 2 eetlepels olyfolie, plus 2 teelepels 1 rooi soetrissie, ontpit en fyngekap 1 wortel, geskil en in blokkies gesny 2 selderystingels, fyngekap 1 teelepel chipotle-smeer 1 teelepel gerookte paprika 1 teelepel gemaalde komyn 2 teelepels tamatiepuree 2 x 400 g-blikke swartbone 1 x 400 g-blik gekapte tamatie 500 ml groenteaftreksel sout en varsgemaalde swartpeper 100 g geblikte suikermielies, gedreineer sap van lemmetjie

rooi brandrissie, sade uitgekrap en fyngekap ’n handjie vol koljander, fyngekap

1. Kap die ui, knoffel en groen brandrissies fyn. 2. Verhit 2 eetlepels olie in ’n groot kastrol oor medium hitte, voeg die ui, knoffel en brandrissie by en soteer sowat 3-4 minute tot die ui sag en deurskynend is. Voeg dan die soetrissie, wortel en seldery by. Laat sweet nog ’n paar minute, voeg dan die chipotlesmeer, gerookte paprika, komyn en tamatiepuree by. 3. Roer om die groente eweredig te bedek, en voeg dan die gedreineerde swartbone, gekapte tamatie en groenteaftreksel by. Geur met sout en swartpeper, bring tot kookpunt, verminder dan die hitte en laat prut vir 30 minute terwyl jy af en toe roer. 4. Verwyder van hitte, proe en pas geur na smaak aan. 5. Meng die suikermielies met die lemmetjiesap, rooi brandrissie en koljander om die salsa te maak. Roer 2 teelepels olyfolie deur. Sit chili con carne warm voor, met die salsa bo-op.