TOETS JOU KOSKENNIS
Is jy ’n gourmand of sommer ’n smulpaap? Antwoord ons vinnige 15 vrae.
1. ’n Ander naam vir kassawe is . . . a) Tapioka b) Maniok c) Quinoa d) Koeskoes 2. ’n Njabba is ’n a) Eetbare vetplant b) Eetbare veldpampoen c) Eetbare paddastoel d) Eetbare woestynplant 3. Jou resep vir salade niçoise bevat tuna, olywe, ansjovis en groenbone. Watter bestanddeel kort? a) Komkommer b) Gerookte hoender c) Parmaham d) Hardgekookte eier 4. Watter een van die volgende blomme is giftig en kan nie geëet word nie? a) Krismisroos b) Wildemalva c) Gesiggie d) Swartoognooi 5. Bing, Hedelfingers, Emperor Francis en sweethearts is almal . . . a) Kersies b) Pruimedante c) Granate d) Appelkose 6. Gemaalde kaneel is afkomstig van die plant se . . . a) Blare b) Stingels c) Bas d) Wortels 7. Die term “farcir” in ’n resep beteken jy moet iets . . . a) Vinnig oor die kole skroei b) Op ’n stadige plaat stoom c) Oornag laat uitdroog d) Met vulsel stop 8. Bokkoms is gedroogde . . . a) Snoek b) Harders c) Stokvis d) Steenbras 9. Watter dorp in Suid-Afrika bied elke jaar die Vleisfees aan? a) Calvinia b) Springbok c) Vosburg d) Carnarvon 10. Watter land is die grootste wynprosudent ter wêreld? a) Australië b) Frankryk c) Italië d) Chili 11. Watter vrug is deur die Grieke as die “vrug van die dood” beskou? a) Granaat b) Turksvy c) Papaja d) Swartbessie 12. As jy “hákarl” in Ysland bestel, wat gaan aan jou voorgesit word? a) Gedroogde walvisvleis b) Potjiekos met takbok-afval c) Gestoofde pikkewynbredie d) Gerfermenteerde haai 13. Watter spiritualieë kry jy in ’n “cosmopolitan”? a) Vodka b) Jenewer c) Konjak d) Whisky 14. In Afrikaans sê ons “gesondheid” as ons ’n glasie klink. In watter land sal jy “salud!” hoor? a) Duitsland b) Noorweë c) Spanje d) Rusland 15. Watter van die volgende bevat die meeste vitamien C? a) Koppie gekapte papaja b) Mediumgrootte lemoen c) Halfkoppie rooi brandrissie d) Koppie gekapte rooi soetrissie