Roosmaryn-enneutbrood
(bl. 31) Die geheim van die brood is die deeg wat jy oornag in die yskas laat gis voor jy die brood bak. genoeg vir 2 brode
600 ml water 10 g sout 1 x 10 g-sakkie kitsgis 4 takkies roosmaryn, fyngekap 200 g gemengde gesoute neute, grofgekap 1 kg koekmeel olyfolie vir smeer
Plaas water, sout en gis in ’n mengbak en meng goed. Voeg roosmaryn en neute by. Voeg meel geleidelik by terwyl jy met ’n houtlepel roer totdat ’n stywe, kniebare deeg vorm. Voeg ekstra meel by as deeg te nat is. Knie sowat 10 minute op ’n meelbestrooide werkvlak tot ’n gladde, elastiese deeg. Verdeel deeg in twee en rol in stywe deegballe. Smeer twee ronde yskasbestande bakke van sowat 25 cm in deursnee met olyfolie. Plaas deegballe in bakke en laat rys oornag in yskas. Verhit oond tot 180 °C. Haal deeg uit yskas en laat staan in bakke vir 15 minute. Spuit twee bakplate goed met kleefwerende kossproei en keer deeg op plate uit. Bak vir sowat 25-30 minute of tot goudbruin en bros. Sit louwarm voor.
(bl. 33) Die hawermoutmelk het ’n neutsmaak wat die roomys iets anders maak. genoeg vir 6-8 500 ml hawermoutmelk 1 vanieljepeul, saadjies uitgekrap, of 5 ml vanieljegeursel 5 eiergele 120 g (150 ml) strooisuiker 1 hand vol hawermout vir voorsit
VRUGTE 200 g (250 ml) suiker 100 ml water 6 perskes, gehalveer en ontpit
Bring melk en vanielje oor matige hitte tot kookpunt. Klits eiergele en strooisuiker saam tot lig en romerig. Voeg warm melk by eiermengsel terwyl jy klits. Gooi mengsel deur ’n sif in ’n skoon pot. Plaas pot oor matige hitte terwyl jy stadig klits. Hou aan klits, so 5-8 minute, tot mengsel die agterkant van ’n houtlepel bedek. Verwyder van hitte en gooi deur ’n sif. Laat afkoel tot yskoud. Vries in roomysmasjien of maak só: Gooi mengsel in vriesbestande bak en plaas in vrieskas. Roer elke 15 minute om kristalle te breek. Herhaal tot romerige roomys vorm. Vrugte Bring suiker en water in middelslagpot oor hoë hitte tot kookpunt. Plaas perskes in stroop en posjeer vir 5-8 minute. Skep perskes op dienbord. Sit voor met balle roomys en strooisels hawermout.