Gebakte alaskapoeding

Maak hierdie winter weer al daai retro-kosse waarmee jy grootgeword het en sit dit modern voor. Met se produkte sal die nostalgie maklik weer proe soos destyds

genoeg vir 4

1 liter sagte vanieljeroomys 100 g pistasieneute, grofgekap 1 x 280 g madeirakoek 4 eierwitte knippie sout 100 g (120 ml) strooisuiker 5 ml mielieblom

Voer ’n vorm van jou keuse met ’n volume van 1 liter met GLADkleefplastiek (foto 1) uit. Meng roomys en neute en skep in vorm. Sny koek in skywe van 1 cm breed en pak bo-op roomys sodat alles seël. Plaas oornag in vrieskas. Verhit oond tot 220 °C. Klits eierwitte en sout tot stywepuntstadium in elektriese menger. Voeg strooisuiker eetlepel vir eetlepel by terwyl jy klits. Klits mielieblom by. Voer ’n bakplaat met GLAD-bakpapier uit en keer roomys daarop uit (foto 2). Smeer meringue oor en maak seker roomys en koek is heeltemal bedek. Plaas in warm oond vir sowat 5 minute tot meringue net begin bruin word. Haal uit en sit dadelik voor.